Category Archives: Nuus

Aktuele nuus wat verband hou met die BTK

BTK 85 Jaar Reunie: Maart 2013

28/29 tot 1 April 2013: Wortelgat, Stanford

Spesiale aanbod vir studentelede*

Verblyf in boskamphutte (10 mense per hut) teen R50 pp per nag

Ontbyt – tradisionele BTK muesli pasella (BTK borg)

Middagete-pakkie teen R30 pp per dag (sluit in burger, chips, sappie, energie-stafie en vrug)

*as jy in 2012 nog geBTK het, tel jy as student!

Continue reading

Die Berghut leef!

“Die brand, wat op Kersdag weens weerlig naby Diepgat ontstaan het, is dieselfde dag in bedwang gebring. Dit het egter weer opgevlam. Saterdagoggend het ’n sterk noordwestewind van sowat 40km/h die brand na Vogelgatkop en Maanskynkop in die rigting van Stanford aangeblaas.” – Die Burger, 30-12-2012

Die Berghut het in die middel van hierdie verskriklike veldbrand gestaan en het dit wonderbaarlik oorleef, met minimale skade slegs aan die waterpyp.

Baie dankie aan almal wat gehelp het met die brandbestryding en al die gebede.

Berghut watertenk-installasie

Vriende,

Die Berghut se water is aangelê en die 1500 liter tenk is geinstalleer en vol! Die oorloop word teruggegooi in die stroompie waaruit dit geneem is!

Die pype se opneem was maklik. Ons het die onderste klofie se paadjie verby die poele gebruik. Die tenk se opdra was egter baie moeilik en ongemaklik. Ons het die nuwe voorgestelde kontoerpad se roete gebruik. Ons het baie gesukkel, maar die manne sien kans vir ‘n tweede tenk van 1500 liter in Februarie wanneer die US weer begin. Die keuse van die grootte van die tenk was korrek. Groter sou dit nie tussen die bome deur gemaak het nie. 1000 liter sou nie makliker wees nie, want dit is dieselfde deursnit as die 1500 liter. Die 500 liter sou baie makliker wees want hy is net 80cm in deursnit maar is te klein.

Baie dankie aan Isak Bosman, MD Greyling, Reinhardt Venter, Hugo Minnaar, Daniel Schoonwinkel, Jacobus Stander, Charl Ellis en Johannes Leuvennink.

Groete
André

Klik hier vir nog foto’s van die uitstappie.

BTK Berghut!

Die Berghut ‘n werklikheid!

Na jare se afwagting is die kontrakte vir die bou van die berghut in Junie 2011 onderteken. Na meer as drie jaar se onderhandelinge met trustees van die See Eike Trust en die “Wortelgat Outreach Trust” (WOT) is daar ooreengekom vir die bou van ‘n berghut wat vir beide partye se gebruik sal wees. Continue reading

BTK Bestuursnaweek

Oor die naweek van 8-10 Oktober het ons bestuur ‘n vinnige wegbreeknaweek gehad en gaan kamp by die Jamaka kampeerterrein in die Cederberge. Ons het ‘n lekker oggend spandeer by die Malgat waterpoele en ‘n waaghalsige paar van ons het die res van ons vermaak met hul gevaarlike sponge van die hoë rotse rondom die poele. Dit was baie lekker om net rustig te kuier om die kampvuur en nuwe avonture vir die BTK in die volgende termyn te beplan. Ons was ook bevoorreg om ons voorsitter, George Diener, se 21ste saam hom te kon vier en die ouens het tot 2h die oggend nog ‘n touchies game aan die gang gehad onder die motors se ligte. Na hierdie naweek kan alle BTK’ners verseker wees van ‘n goed funksionerende bestuur vir 2010/2011 wat julle nuwe hoogtes sal laat bereik!

— Coreen Robbertze  (11/10/10)

Toerliedjies

Dit was op die Knysna-toer, September 1930, terwyl ons in twee motorbote tussen die bosse en bome aan die walle van Keurboomsrivier deurgly, dat die eerste fondamentsteen vir ‘n versameling van ons eie toerliedjies gelê is. Die wanklinkende geluide van “Intervarsity”-liedjies in hierdie omgewing van natuurskoon en -prag het gemaak dat ons ou voorsitter en staatmaker, Jan Klopper, sy misnoeë oor sulke misplaatste voetbalentoesiasme duidelik te kenne gegee het. Continue reading